لاہور(کلچرل رپورٹر)ہدایتکار اظفر جعفری کی فلم ہیرمان جا کی نمائش عیدالاضحی پر کرنے کی تیاریا ں شروع ہوگئیں ۔فلم کے پروڈیوسر عمران کاظمی ہیں۔فلم میں حریم فاروق اور علی رحمن خان نے مرکزی کردار ادا کیے ہیں۔ہدایتکار کا کہناتھا کہ فلم سے ملک میں غیرت کے نام پر ہونے والے قتل کے واقعات سے متعلق شعور اجاگر کرنے میں مدد کرے گی جس میں انتہائی ہلکے پھلکے انداز میں غیرت کے نام پر ہونے والے قتل کے واقعات اور اس سے متعلقہ مسائل کو اجاگر کیا گیا ہے اور اس حوالے سے فلم ایک اچھا پیغام بھی دے گی۔انکا کہنا تھا کچھ عرصہ قبل ریلیز ہونے والے فلم کے ٹریلر کو بہت پسند کیا جارہا ہے۔