لاہور(نمائندہ سپورٹس)سابق فاسٹ بائولر شعیب اختر نے بالی ووڈ اداکاراؤں سونالی بیندرے اور دیا مرزا کیساتھ معاشقے اور سونالی بیندرے کو اغوا کرنے کی خبروں پر خاموشی توڑ ہی دی۔ انہوں نے کہا کہ کبھی سونالی بیندرے کو اغوا کرنے کی بات نہیں کی۔ سونالی بیندرے کو بطوراداکارہ جانتا ہوں لیکن وہ آج تک کبھی سونالی سے نہیںملے‘ جب سونالی بیندرے کی کینسر میں مبتلا ہونے کی خبر سنی اور ان کی کینسر کے خلاف جنگ دیکھی تو ان کی ہمت دیکھ کر ان کے مداح ہوگئے اور یہ دیکھ کر بہت اچھا لگا کہ ایک خاتون اتنی باہمت اور دلیر بھی ہوسکتی ہیں۔ میرے کمرے میں صرف عمران خان کی تصویر لگی ہوتی تھی اس کے علاوہ کسی کی نہیں۔ دیا مرزا کے ساتھ شادی کی خبروں پر کہا کہ میری آج تک دیا مرزا سے بھی ملاقات نہیں ہوئی۔ جھوٹی خبریں دینے پر شعیب اختر نے بھارتی میڈیا کو بھی آڑے ہاتھوں لیا۔