بے نظیر بھٹو شہیدکی 66 ویں سالگرہ منائی گئی
لاہور (آن لائن) پیپلز پارٹی کی شریک چیئرپرسن اور سابق وزیر اعظم بے نظیر بھٹو کی 66 ویں سالگرہ منائی گئی۔ اس سلسلے میں ملک کے چاروں صوبوں میں واقعہ صوبائی تنظیموں سمیت ڈسٹرکٹ تنظیموں کے زیر اہتمام صوبائی اور ڈسٹرکٹ ہیڈ کوارٹروں میں واقعہ صوبائی دفاتر میں مختلف تقاریب کا اہتمام کیا گیا اور محترمہ بے نظیر بھٹو کی سالگرہ کے درجنوں کیک کاٹتے ہوئے انہیں خراج عقیدت پیش کیا گیا۔ پیپلز پارٹی لائرز فورم کے زیر اہتمام ایوان عدل میں ایک تقریب منعقد ہوئی۔ مقررین نے شہید بے نظیر بھٹو کی سیاسی اور جمہوری جدوجہد کو سراہا اور انہیں خراج عقیدت پیش کیا۔
