تائیوان میں ایوا ائر فضائی سروس کے عملے کی ہڑتال‘ 600 پروازیں منسوخ
تائی پی(آئی این پی/شِنہوا)تائیوان کی فضائی سروس ’’ایوا ائیر‘‘کی ہڑتال کے باعث600پروازیں منسوخ کردی گئی ہیں۔ اس سے ایک لاکھ مسافر متاثر ہوسکتے ہیں، فلائٹ اٹینڈنٹ یونین نے جمعہ تک ہڑتال کررکھی ہے گزشتہ جمعرات کو فریقین کے درمیان الائونس کے معاملے پر مذاکرات ہوئے تھے تاہم یہ مذاکرات ناکام ہوگئے، جس کے بعد یونین نے آئندہ اتوار تک ہڑتال کا اعلان کردیا،ائیر لائن نے اعلان کیا ہے کہ وہ مسافروں کو سفری سہولتیں فراہم کرنے کیلئے متبادل انتظامات کرے گی۔صرف ایک دن میں200پروازیں معطل ہونے کے باعث 40ہزار مسافر متاثر ہوئے۔
