شکارپور(این این آئی)سندھ کے ضلع شکارپور میں دو قبائل کے درمیان ہونیوالے تصادم میں 4افراد جاں بحق جبکہ 5زخمی ہوگئے۔ مسلح تصادم دلاور معرفانی تھانے کے حدود قمبرانی اور معرفانی قبائل کے درمیان ہوا۔ روحیلو قمبرانی،نبی بخش قمبرانی،صادق معرفانی سمیت ایک نامعلوم شخص مارا گیا۔پولیس کے مطابق دونوں قبائل میں گزشتہ کافی عرصہ سے زمین کے تنازعہ پرتصادم چل رہا ہے، 2002 سے اب تک 138جانیں ضائع ہوچکی ہے، دونوں قبیلوں میں صلح کرانے کے حوالے سے تین بار جرگے بھی ہوچکے ہیں۔