لاہور (نمائندہ سپورٹس) پاکستان انڈر19ٹیم نے جنوبی افریقہ انڈر19ٹیم کو دوسرے یوتھ ون ڈے میچ میں چاروکٹوں سے ہراکر سات میچوں کی سیریز میں دو صفر کی برتری حاصل کرلی ۔ میزبان ٹیم پہلے کھیلتے ہوئے 44.5اوورز میں215رنز بناکر پویلین لوٹ گئی ۔ لوو نے 91رنز کی اننگز کھیلی۔ برڈ صفر ‘ٹربالنچی تین ‘کپتان پارسنز دس ‘کوٹانی سترہ ‘اکیم مینار سات ‘کوپ لینڈ سات ‘کوئٹزی انتیس ‘عمران فلنڈر سولہ ‘کلوٹی پانچ رنز بناکر آئوٹ ہوئے ۔ نسیم شاہ ‘اختر شاہ نے تین تین ‘عامر علی نے دوجبکہ فہد منیر نے ایک کھلاڑی کو آئوٹ کیا ۔ پاکستان جونیئر ٹیم نے ہدف چھ وکٹوں پر 39.5اوورز میں پورا کرلیا ۔ محمد باسط علی چار ‘حیدر علی اٹھارہ ‘فہد منیر صفر ‘کپتان روحیل نذیر 67‘قاسم اکرم بائیس ‘عباس آفریدی ایک رن بناکرآئو ٹ ہوئے ۔ حارث خان 60رنز پر ناقابل شکست رہے ۔ کلوٹی اور پارسنز نے دو دو کھلاڑیوں کوآئوٹ کیا۔ حارث خان کو میچ کا بہترین کھلاڑی قرار دیا گیا ۔