لاہور (کلچرل رپورٹر) گلوکارہ انیقہ علی کا کہنا ہے کہ قومی کرکٹ ٹیم کی کامیابی سے قوم کو ایک مرتبہ پھر سیمی فائنل میں جانے کی امید پیدا ہوئی ہے۔ فتح کے بعد انگلینڈ میں مقیم پاکستانیوں کی خوشی دیکھنے لائق تھی۔ جس انداز میں پاکستان کی فتح کا جشن منایا گیا اس سے اندازہ ہوتا ہے کہ انگلینڈ میں پاکستانی اپنی ٹیم کیساتھ کتنی محبت کرتے ہیں۔ اندرون ملک بھی شائقین کے جذبات دیکھ کر بہت خوشی ہوئی ہے۔ میں نے بھی اپنی تمام مصروفیات ترک کر دی ہیں جس دن پاکستان کا میچ ہوتا ہے اس دن کوئی کام نہیں کرتی۔ دعا ہے ٹیم پاکستان افغانستان اور بنگلہ دیش کو شکست دیکر سیمی فائنل میں جگہ بنائے اور پھر عالمی کپ جیت کر وطن واپس آئے۔