لیڈز(سپورٹس رپورٹر) پاکستان ٹیم کے سابق کپتان رمیز راجہ کا کہنا تھا کہ پاکستان ٹیم افغانستان کے مقابلے میں تجربے میں زیادہ بہتر تھی جس کا فائدہ اس نے اٹھاتے ہوئے پریشر میں کامیابی حاصل کی۔ پاکستان ٹیم کا مشکل میں جا کر جیتنا ہمیشہ سے وطیرہ رہا ہے۔ افغانستان کے خلاف خدا نخواستہ کامیابی نہ ملتی تو یہ ٹورنامنٹ کا سب سے بڑا اپ سیٹ ہونا تھا جس سے پاکستان ٹیم بچ گئی۔ پاکستان ٹیم ابھی سیمی فائنل میں نہیں پہنچی تاہم فیورٹ ہو گئی ہے۔ اگر بھارت انگلینڈ ٹیم کو شکست دیتی ہے تو اس صورتحابل میں پاکستان ٹیم بنگلہ دیش کو ہرا کر سیمی فائنل میں پہنچ سکتی ہے۔