آل پاکستان ٹینس چیمپین شپ عابد علی اور سارہ محبوب فاتح
لاہور(نمائندہ سپورٹس ) سالانہ آل پاکستان ٹینس چیمپین شپ اختتام پذیر ہوگئی۔ مردوں کے سنگل مقابلوں کا فائنل عابد علی نے جیت لیا۔ خواتین کی کیٹگری میں سارہ محبوب فاتح رہیں۔پاکستان ٹینس فیڈریشن کیزیر اہتمام اسلام آباد میں ٹینس کے شاندار ٹورنامنٹ کا انعقاد کیا گیا۔ 7 روز تک جاری رہنے والے ٹورنامنٹ میں 13 کیٹیگریز کے مقابلے ہوئے۔ ملک بھر سے سو سے زائد کھلاڑیوں نے جیت کیلئے بھرپور کوششیں کی۔خواتین کے سنگل مقابلوں میں سارہ محبوب فاتح رہیں، مردوں کی کیٹگری میں عابد علی نے مد مقابل احمد چوہدری کو ہرا کر ٹائٹل اپنے نام کرلیا۔
