کراچی(اے این این )کراچی کے علاقے لانڈھی مرغی خانہ کے قریب پولیس مقابلے میں ایک ڈاکو زخمی حالت میں ساتھی سمیت گرفتار کرلیا گیا جبکہ لانڈھی منزل پمپ کے قریب نامعلوم سمت سے آنے والی گولی لگنے سے ایک بچی زخمی ہوگئی۔پولیس کے مطابق لانڈھی مرغی خانہ کے قریب حمل گوٹھ میں 2 ملزمان لوٹ مار میں مصروف تھے کہ پولیس موقع پر پہنچ گئی، اس دوران ملزمان نے پولیس پر فائرنگ کردی ۔پولیس کی جوابی فائرنگ کے نتیجے میں ایک ملزم عامر کو زخمی حالت میں ساتھی ملزم پرویز کے ساتھ گرفتار کرکے اسلحہ اور موٹرسائیکل تحویل میں لے لی گئی۔دوسری جانب لانڈھی منزل پمپ کے قریب گھر میں نامعلوم سمت سے آنے والی گولی لگنے سے 7سال کی حبیبہ زخمی ہوگئی جس کو طبی امداد کے لیے قریبی اسپتال منتقل کر دیا گیا۔