روس میں بارشوں اور سیلاب سے 5 افراد ہلاک،ہزاروں بے گھر
ماسکو (صباح نیوز)روس کے علاقے سائبیریا میں طوفان، بارشوں اور سیلاب سے5 افراد ہلاک اور ہزاروں بے گھر ہو گئے۔سائبیریا کے جنوبی علاقے میں سمندری طوفان اور موسلادھار بارشوں کے بعد گاوں اور قصبے زیر آب آگئے۔سیلابی پانی سے کھڑی فصلوں کو شدید نقصان پہنچا، کئی فٹ پانی میں ڈوبے گھروں میں پھنسے ہوئے افراد کو ہیلی کاپٹروں اور امدادی کارکنوں کی مدد سے نکالا گیا۔ مزید بارش کی پیشگوئی کی گئی ہے ۔
