لندن (سپورٹس رپورٹر) بارہویں آئی سی سی ون ڈے ورلڈ کپ کرکٹ ٹورنامنٹ میں آج ایک میچ کا فیصلہ ہو گا جس میں میزبان انگلینڈ اور نیوزی لینڈ کی ٹیمیں چیسٹرلی سٹریٹ کے مقام پر پنجہ آزما ہونگی۔ دونوں ٹیموں کے لئے یہ میچ انتہائی اہمیت کا حامل ہے۔ یہ میچ پاکستان کے معیاری وقت کے مطابق دن 2 بجکر 30 منٹ پر شروع ہوگا۔ دونوں ٹیمیں میگا ایونٹ میں بہت زبردست کھیل پیش کر رہی ہیں۔ دونوں ٹیمیں میگا ایونٹ میں اب تک آٹھ، آٹھ میچز کھیل چکی ہے اور نیوزی لینڈ کی ٹیم پانچ میچز جیت کر 11 پوائنٹس کے ساتھ ٹیبل پر بھارت کے بعد تیسرے نمبر پر ہے۔ اسی طرح میزبان انگلینڈ کی ٹیم بھی آٹھ میچ کھیلنے کے بعد اور پانچ میچز جیتنے کے بعد ٹیبل پر 10 پوائنٹس کے ساتھ ٹیبل پر چوتھے نمبر پر ہے۔ دونوں ٹیموں کا میگا ایونٹ میں یہ آخری آخری میچ ہے اور دونوں ٹیموں کو یہ میچ جیتنا ضروری ہوگا۔ دونوں ٹیموں کے کپتانوں نے میچ میں کامیابی کے لئے بیانات دیئے ہیں اور توقع کی جارہی ہے کہ یہ میچ انتہائی سخت اور کانٹے دار ہوگا۔شائقین کو دلچسپ میچ دیکھنے کا ملے گا۔