لندن( سپورٹس رپورٹر) پاکستان ٹیم کے فاسٹ وہاب ریاض کا کہنا کہ میرا خواب ہے کہ ورلڈ کپ کی ٹرافی جیت کر پاکستان لے کر جائیں۔ اس سے قبل بنگلہ دیش کے خلاف کامیابی حاصل کر کے سیمی فائنل میں جگہ بنانا ضروری ہے۔ میڈیا سے گفتگو میں وہاب ریاض کا کہنا تھا کہ میری انگلی کے فیکچر کو ٹھیک ہونے میں چار سے چھ ہفتے لگیں گے، اس کے باوجود بھی پاکستان کی نمائندگی کیلئے تیار ہوں۔ ان کا کہنا تھا ٹورنامنٹ میں ابھی اگر مگر کا کھیل جاری ہے اچھی بات یہ ہے کہ پاکستان ٹیم کا آخری میچ ہے اس سے صورتحال واضح ہو جائے گی۔ ان کا کہنا تھا کہ ہماری پوری کوشش ہوگی کہ آخری لیگ میچ میں بھی اپنی اچھی کارکردگی سے ٹیم کو کامیاب کرائیں۔