اسلام آباد (صباح نیوز) وزیراعظم کے معاون خصوصی نعیم الحق نے کہا ہے کہ عمران خان جلد طالبان رہنمائوں سے ملاقات کریںگے، جس کا مقصد افغان تنازعے کا پرامن حل تلاش کرنا ہے۔ افغان حکومت نے اس سلسلے میں رضامندی کا اظہارکردیا ہے۔ وہ گزشتہ روز اسلام آباد میں ایک کانفرنس سے خطاب کررہے تھے۔ بھارت کے ساتھ پاکستان کے موجودہ تعلقات کے بارے میں انہوں نے کہا کہ امید ہے کہ بھارتی وزیراعظم نریندرمودی نومبر میں گورونانک کے جنم دن کے موقع پر کرتار پور کا دورہ کریںگے۔