غزہ(آئی این پی/شِنہوا)اسرائیلی فوجیوں اور فلسطینوں کے درمیان جھڑپوں میں کم از کم40فلسطینی زخمی ہو گئے ۔یہ فلسطینی اسرائیلی سرحد کے ساتھ مظاہر ہ کر رہے تھے ۔غزہ میں وزارت صحت کے ترجمان نے بتایا ہے کہ ان جھڑپوں میں40 فلسطینی زخمی ہوئے ہیں ان میں 22 وہ زخمی بھی ہیں جو اسرائیلی سپاہیوں کی گولیوں سے زخمی ہوئے ۔یہ جھڑپیں گزشتہ روز اس وقت شروع ہوئیں جب سینکڑوں فلسطینیوں نے اسرائیلی کے خلاف مظاہر ے کئے اور ریلیاں نکالی جسے عام طور پر گریٹ مارچ کہا جاتا ہے جس کا مقصد اسرائیلی قبضہ ختم کرنا ہے ۔اس ھفتہ وار احتجاج کا آغاز گزشتہ سال شروع کیا گیا تھا ۔ اسرائیلی ذرائع ابلاغ کے مطابق 5000فلسطینی مظاہرین سرحدی باڑ کے ساتھ جمع ہوئے اور انہوں نے کئی غبارے اسرائیل کی طرف چھوڑے وہ اسرائیلیوں کے خلاف نعرے لگا رہے تھے ۔