ایشین تھروبال چیمپئن شپ 28 اگست سے ملائشیا میں شروع ہوگی
اسلام آباد(آن لائن) ایشین تھروبال فیڈریشن کے زیر اہتمام ایشین تھروبال چیمپئن شپ 28 اگست سے ملائشیا میں شروع ہوگی۔ ایشین تھروبال فیڈریشن کے سیکرٹری جنرل مقبول آرائیں نے بتایاکہ چیمپئن شپ کی تیاری کے حوالے سے انتظامات ابھی سے شروع کردیئے گئے ہیں۔چیمپئن شپ 3 ستمبر تک جاری رہے گی۔ انہوں نے کہا کہ چیمپئن شپ کی تیاری کیلئے کھلاڑیوں کا تربیتی کیمپ آئندہ ماہ کراچی میں لگایا جائے گا جس میں ملک بھر سے 25 کھلاڑیوں کو مدعو کیا جائیگا۔ ان کھلاڑیوں کا انتخاب قومی چیمپئن شپ کے دوران میرٹ کی بنیاد پر کیا گیا ہے اور ان کھلاڑیوں کو کوچز جدید اور اعلی تربیت دیں گے۔
