نوشہرہ: جنگلات میں مبینہ مقابلہ، 2 پولیس اہلکار شہید، ایس ایچ او سمیت 5 زخمی، 2 دہشتگرد ہلاک
نوشہرہ (آئی این پی ) خیبر پی کے کے ضلع نوشہرہ کے جنگلات میں فائرنگ کے تبادلے میں 2 پولیس اہلکار شہید اور 5 زخمی ہوگئے جبکہ 2 ملزمان بھی مارے گئے۔پولیس نے نظام پور کے علاقے مروبہ، گاڑو اور قمرمیلا میں اشتہاری مجرموں کی گرفتاری کے لیے چھاپا مارا تو ملزمان نے فائرنگ کردی۔ مقابلے میں دو انتہائی مطلوب اشتہاری مارے گئے۔ فائرنگ کے تبادلے میںدو پولیس اہلکار شہید جبکہ 5 اہلکار زخمی ہوئے جن میں ایس ایچ او بھی شامل ہیں۔ نعشوں اور زخمیوں کو اسپتال منتقل کردیا گیا ہے ۔ پولیس نے مزید قانونی کارروائی بھی شروع کردی ہے۔ ڈی پی او کے مطابق ہلاک دہشتگردوں کی شناخت مطہر شاہ اور امجد کے نام سے ہوئی جو پولیس کو دہشت گردی کی مختلف کارروائیوں میں مطلوب تھے۔
