وہاڑی+ ساہیوال (نامہ نگار+ نمائندہ نوائے وقت) وہاڑی کے نواحی علاقہ چک نمبر 101 ڈبلیو بی میں ٹیوب ویل پر نہاتے ہوئے دو سگے بھائی ڈوب کر جاں بحق ہو گئے والدین غم سے نڈھال پورا علاقہ سوگوار واقعات کے مطابق پولیس تھانہ ٹھینگی کے علاقہ چک نمبر 101 ڈبلیو بی کے رہائشی منور کے دو بیٹے قریبی ٹیوب ویل پر نہانے کیلئے گئے اور اچانک گہرے پان میں چلے جانے سے ڈوب گئے جبکہ ذرائع کے مطابق ڈوبنے والے بچوں کے نام عثمان اور اذان بتائے جا رہے ہیں جنکی نعشوں کو پانی سے نکال لیا گیا دونوں بچوں کی موت کا سن کر والدین عم سے نڈھال ہر آنکھ اشک بار ہو گئی ۔ دریں اثناء ساہیوال میں رواوی پل قطب شہانہ کے قریب دریا میں چھلانگ لگا کر نہاتے ہوئے دبئی پلٹ نوجوان محمد عباس ڈوب گیا کوٹ خادم علی شاہ کے نذیر احمد کے بیٹے 23 سالہ محمد عباس دو ماہ قبل شادی ہوئی تھی اور وہ اپنے دوستوں کے ساتھ دریائے راوی پر نہانے کیلئے گیا تھا ریسکیو 1122 کے غوطہ خوروں کی تلاش کے باوجود ابھی لاش نہیں مل سکی۔