لاہور(نمائندہ سپورٹس) ویسٹ ایشیا بیس بال کپ کا آغاز آج سے ہو گا، پاکستانی ٹیم ایونٹ میں شرکت کیلئے پہلے ہی سری لنکا پہنچ چکی ہے اور ابتدائی روز ایران کے خلاف گروپ میچ سے مہم کا آغاز کرے گی۔ 20 جولائی تک جاری رہنے والے ایونٹ میں میزبان سری لنکا کے علاوہ پاکستان، بنگلہ دیش، بھارت، ایران اور نیپال کی ٹیمیں ٹائٹل کے حصول کیلئے ایکشن میں دکھائی دیں گی، ٹیموں کو دو مختلف گروپس میں تقسیم کیا گیا ہے۔پاکستانی ٹیم اپنا پہلا میچ آج ایران کے خلاف کھیلے گی جبکہ دوسرے میچ میں اس کا مقابلہ کل منگل کو بنگلہ دیش سے ہو گا۔