لاہور(نمائندہ خصوصی)ریسکیو1122نے موسمی صورتحال کے پیش نظر ریڈ کوڈ ایکٹو کردیا۔ترجمان ریسکیو کے مطابق موجودہ موسمی صورتحال کے پیش نظر ڈی جی ریسکیو نے ریڈ کوڈ ایکٹو کردیا۔ ریڈ کوڈ شدید بارش سے متاثرہ اضلاع میں ایکٹو کیا گیا۔ڈی جی ریسکیو ڈاکٹر رضوان نصیر کا کہنا تھا کہ ریسکیورزمشکل کی اس گھڑی میں عوام الناس کے شانہ بشانہ موجود ہیں۔حالیہ شدید بارشوں میں ایمرجنسی کے علاوہ بھی ریسکیورز عوام کی مدد کررہے ہیں۔ شہریوں سے درخواست ہے کہ پرانی اور خستہ حال عمارتوں میں جانے سے گریز کریں۔ الیکٹرک پول اور بجلی کے تاروںسے دور رہیں۔ بیسمنٹ کی صورت میں عمارت کی مستقل مانیٹرنگ کریں۔