لاہور(نمائندہ خصوصی)صوبائی دارالحکومت میں مختلف علاقوں میں آتشزدگی کے واقعات میں لاکھوں روپے مالیت کا سامان جل گیا۔تفصیلات کے مطابق مزنگ کے علاقہ میں کیمیکل کی دکان میں شارٹ سرکٹ کے باعث آگ بھڑک اٹھی جس سے قیمتی سامان جل گیا۔گلاب دیوی ہسپتال کی کینیٹن میں شارٹ سرکٹ کے باعث ٹرانسفارمر میں آگ بھڑک اٹھی جس سے شدید خوف وہراس پھیل گیا۔ڈیفنس کے علاقہ میں گھر میں شارٹ سرکٹ کے باعث آتشزدگی سے ہزاروں روپے مالیت کا سامان جل گیا۔برکت مارکیٹ کے علاقہ میں کھمبے میں شارٹ سرکٹ کے باعث آگ بھڑک اٹھی جس سے مارکیٹ میں خوف وہراس پھیل گیا۔ڈیفنس فیزتھری کے علاقہ میں گھر میں آتشزدگی سے ہزاروں روپے مالیت کا سامان جل گیا۔اچھرہ کے علاقہ پاکستان چوک میں دوکان میں آتشزدگی سے لاکھوں روپے مالیت کا سامان جل گیا۔جوہرٹاون کے علاقہ میں گھر میں آتشزدگی سے ہزاروں روپے مالیت کا سامان جل گیا۔ریسکیو ٹیموں نے کارروائی کرتے ہوئے آتشزدگی کے تمام واقعات پر قابو پالیا۔