لاہور ( سپورٹس رپورٹر ) قومی ہاکی چیمپئن شپ کے لئے پنجاب ٹیم کے انتخاب کیلئے ٹرائلز کل ہوں گے۔ چار رکنی سلیکشن کمیٹی نیشنل ہاکی سٹیڈیم میں کھلاڑیوں کی کارکردگی کا جائزہ لے گی۔ٹرائلز کیلئے چار رکنی سلیکشن کمیٹی کے سربراہ سیکرٹری پنجاب ہاکی ایسوسی ایشن کرنل ریٹائرڈ آصف ناز جبکہ سابق انٹر نیشنل ہاکی کھلاڑی اجمل خان لودھی ، رائے عثمان اور رانا ظہیرارکان میں شامل ہیں۔ چیمپئن شپ 23 جولائی سے کراچی میں شروع ہوگی۔