ساہیوال‘ سزائے موت کے ایک قیدی کی دوسرے کو گلہ دبا کر مارنے کی کوشش‘ جیل عملہ نے بچا لیا
ساہیوال (نمائندہ نوائے وقت) سینٹرل جیل ساہیوال میں سزائے موت کے قیدی نوید کو گلہ دبا کر ہلاک کر نے کی کوشش۔ نوید کو بے ہوشی کی حالت میں ہسپتال دا خل کرا دیا گیا ہے حملہ آور سزائے موت کا قیدی شہزاد گرفتار‘ تفصیلات کے مطابق جیل کے سزائے موت کے سیل میں ضلع بہاولنگر کے سزائے موت کے قیدی شہزاد احمد نے ساتھی سزائے موت کے قیدی نوید کو سوتے ہوئے اوزار بند گلے میں ڈال کر مارنے کی کوشش کی۔ جیل وارڈر کی اطلاع پر ملزم شہزاد کو قابو کر لیا گیا۔ اسسٹنٹ سپرنٹنڈنٹ جیل کی رپورٹ پر مقدمہ درج کر لیا گیا ہے۔
