قومی کراٹے چیمپئن شپ 22 اگست سے شروع ہو گی
لاہور(سپورٹس رپورٹر )قومی کراٹے چیمپئن شپ 22 اگست سے شروع ہوگی۔ پاکستان کراٹے فیڈریشن کی سیکرٹری عندلیب سندھو نے کہا کہ لاہور میں شیڈول میگا ایونٹ میں مجموعی طور پر مرد و خواتین کی 9 ٹیمیں شرکت کریں گی جن میں واپڈا، آرمی، ریلوے، پولیس، بلوچستان، سندھ، پنجاب، خیبرپختونخوا اور اسلام آباد کی ٹیمیں شامل ہیں۔ واپڈا ٹائٹل کا دفاع کرے گی۔ ٹورنامنٹ میں شریک کھلاڑی چار مختلف کیٹگریز کے مقابلوں میں اپنی صلاحیتوں کے جوہر دکھائیں گے۔
