لاہور(سپورٹس رپورٹر) بلوچستان یونائیٹڈ وومین ایف سی کی چئیر پرسن سینیٹر روبینہ عرفان اور بلوچستان فٹ بال ایسوسی ایشن کے صدر عبدالرووف نوتیزئی نے اے ایف سی لیگل کمیٹی کا تیسری بار چیئرپرسن منتخب ہونے پر اے ایف سی کے نائب صدر سید فیصل صالح حیات کو مبارکباد پیش کی ہے۔ اپنے ایک بیان میں انہوں نے کہا ہے کہ سید فیصل صالح حیات کی تقرری پاکستان کیلیے باعث فخر ہے۔
، اے ایف سی سٹیڈنگ کمیٹیز میں لیگل کمیٹی کی خاص اہمیت ہے،انہوں نے ابھی تک اس عہدے پر شاندار خدمات سر انجام دیں اور اے ایف سی کے سٹیچیوٹس اور اصول و ضوابط میں اصلاح کے لئے اپنا مثبت اور موثر کردار ادا کیا،امید کی جاتی ہے کہ وہ ایک حقیقی لیڈر کا تاثر برقرار رکھتے ہوئے فٹبال کی قدر میں اضافے اور قوائد و ضوابط کی پاسداری یقینی بنانے کیلیے اپنا کردار ادا کرتے رہیں گے۔انٹرنیشنل سطح پر سید فیصل صالح حیات کا مثبت اور تعمیری رویہ پاکستان فٹبال کیلئے بھی خوش آئند ہے۔