لندن (نوائے وقت رپورٹ) برطانیہ کے نومنتخب وزیراعظم بورس جانسن کا پاکستان سے بھی گہرا تعلق ہے۔ ایک رپورٹ کے مطابق برطانیہ کے نومنتخب وزیراعظم کا پاکستان سے گہرا تعلق ہے جس کے حوالے سے انہوں نے خود ایک انٹرویو میں آگاہ کیا تھا۔ بورس جانسن نے خود ایک انٹرویو میں اپنے آبائواجداد کے مسلمان ہونے کا ذکر بھی کیا تھا۔ بورس جانسن کی اہلیہ کا آبائی تعلق پاکستان کے شہر سرگودھا سے ہے۔ تاہم دونوں میں علیحدگی ہوچکی ہے۔ بورس جانسن اور مارینا ویلر کی شادی 1993ء میں ہوئی اور ان کے 4 بچے ہیں۔ 2018 میں دونوں میں علیحدگی ہوگئی۔ ان کی شادی 25 سال رہی۔ بورس جانسن کے پڑدادا کا شمار سلطنت عثمانیہ کی اہم شخصیات میں ہوتا ہے۔