لاہور(نمائندہ سپورٹس) انٹرنیشنل کرکٹر و کوچ مجاہد جمشید کا کہنا ہے کہ مکی آرتھر نے عمر اکمل کو ضائع کیا۔ آئندہ برس ہونے والے ورلڈ ٹونٹی ٹونٹی کو دیکھتے ہوئے اسے قومی ٹیم میں شامل کیا جائے۔ وہ مڈل آرڈر میں وہ دور جدید کی کرکٹ کے تقاضوں پر پورا اترتا ہے۔ ہمیں نمبر چار پر ایسے ہی بلیباز کی ضرورت ہے جو فاسٹ اور سپن باؤلنگ کے خلاف تیزی سے رنز بنانے کی اہلیت رکھتا ہو۔ عمر اکمل قدرتی صلاحیتوں سے مالا مال ہے اسے قومی ٹیم سے دور رکھنا پاکستان کرکٹ کے ساتھ ناانصافی ہے۔ مکی آرتھر نے دو سال تک وہاں ریاض کو قومی ٹیم سے دور رکھا عالمی کپ میں اسے موقع ملا تو اس نے پانی کارکردگی سے شمولیت کو درست ثابت کیا اس پرفارمنس سے فاسٹ باؤلر نے مکی آرتھر کے فلسفے اور سلیکشن کے طریقہ کار کو بھی غلط ثابت کیا۔ عمر اکمل کو موقع ملا تو وہ بھی مکی آرتھر کو غلط ثابت کریگا۔