جھنگ (نامہ نگار) برازیل کی رہائشی 35 سالہ خاتون 30 سالہ نوجوان کے عشق میں گرفتار ہو کر جھنگ پہنچ کر رشتہ ازدواج میں بندھ گئی۔ جھنگ کے وقاص انجم کی تین سال قبل فیس بک پر برازیل کی ایلے سندرا سے دوستی ہوئی۔ تیرہ جولائی کو ایلے سندرا اپنے وطن کو خیر باد کہہ کرجھنگ پہنچ گئی اور دونوں رشتہ ازدواج میں منسلک ہو گئے۔ وقاص انجم کا کہنا ہے کہ ایلے سندرا کو شروع شروع میں یہاں کا ماحول سمجھنے میں خاصی مشکل پیش آئی لیکن اب وہ ان کے ساتھ خوش رہ رہی ہے۔