لاہور (نمائندہ سپورٹس)اردن میں جاری ساتویں الحسن انٹرنیشنل اوپن تائیکوانڈو چمپئن شپ میں پاکستانی پلیئرز کی شاندار کارکردگی دکھاتے ہوئے ایک سلور اور دو برونز میڈلز جیت لئے ۔ پاکستان کی نقش ہمدانی نے 53کلوگرام کیٹگری میں چاندی کا تمغہ جیت لیا ، نقش ہمدانی کو فائنل میں تھائی لینڈ کے پلیئر نے شکست دی ، ایونٹ کی 58کلوگرام اور 68کلوگرام کیٹگری میں پاکستان نے دو برونز،میڈلز جیتے۔ پاکستان کے ہارون خان کو58کلوگرام کے سیمی فائنل میں ورلڈ نمبر ایک ایرانی پلیئر کے ہاتھوں شکست ہوئی جبکہ جبران اسد کو بھی 68کلوگرام کیٹگری کے سیمی فائنل میں ایرانی ٹاپ پلیئر نے شکست دی ، ہارون خان اور جبران اسد نے پاکستاب کیلئے برونز میڈلز جیتے ۔ پاکستانی پلیئرز اگلے مرحلہ میں دسویں ایشین جونیئر تائیکوانڈو چیمپئن شپ میں ایکشن میں دکھائی دینگے۔