لاہور(سپورٹس رپورٹر+نمائندہ سپورٹس) چھبیسویں آل پاکستان باسکٹ بال ٹورنامنٹ کے لیگ میچ میں ہوکس کلب نے فلیکرز کلب کو پانچ کے مقابلے میں بائیس پوائنٹس سے شکست دیدی۔ ہوکس باسکٹ بال کلب کی ٹیم پہلے ہاف سے ہی میدان میں چھائی رہی،، ہوکس کلب نے پہلے ہاف کے اختتام پر صفر کے مقابلے میں آٹھ پوائنٹس سے برتری حاصل کی۔ دوسرے ہاف میں فلیکرز کلب کی ٹیم صرف دو جبکہ ہاکس کلب نے چار پوائنٹس حاصل کئے، تیسرے ہاف میں ہوکس کلب کی ٹیم نے چھ جبکہ فلیکرز کلب کی ٹیم صرف تین پوائنٹس حاصل کر سکی۔ چوتھے ہاف میں فلیکرز کلب کی ٹیم کوئی پوائنٹ حاصل کرنے میں کامیاب نہ ہو سکی۔ چوتھے ہاف کے اختتام پر ہوکس نے چار پوائنٹس حاصل کئے۔