لاہور(سپورٹس ڈیسک) فیفا ایوارڈ کیلئے کھلاڑیوں کی نامزدگی کا اعلان کردیا گیا ۔ لیور پول کلب کے تین کھلاڑی ورجل ون ڈک ‘سیڈیو مینی اور محمد صلاح جبکہ ٹوٹنہم ہیری کین شامل ہیں ۔ بیسٹ فیفا فٹ بال ایوارڈکیلئے چیلسی کے سابق مڈ فیلڈر ایڈن ہیزارڈ کا نام بھی فہرست کے دس کھلاڑیوں میں شامل ہے ۔ یووینٹس کے کرسٹیانو رونالڈو اور بارسلونا کے لیونل میسی بھی جگہ بنانے میں کامیاب رہے ہیں ۔ ویمنز میں انگلینڈ کی لوسی برونز اور ایلن وائٹ ویمنز دوڑ میں شامل ہیں ۔ عوامی ووٹوں کی مد د سے فاتح کھلاڑیوں کا اعلان 23ستمبر کو کیا جائیگا۔ بیسٹ ویمنز کوچ کیلئے لائنس منیجر فل نویلی اور امریکی ہیڈ کو چ جل ایلس فہرست میں شامل ہیں ۔ مرد کھلاڑیوں میں ہالینڈ کے میتھس ڈی لائٹ ‘فرینکی ڈی جانگ ‘فرانس کے کلیان مباپے ‘بیلجیئم کے ایڈن ہیزارڈ بھی شامل ہیں ۔ مینز ‘ویمنز کھلاڑیوں اور کوچز کیلئے ووٹنگ کی جائیگی ۔