ہارس ٹریڈنگ کیا ہوتی ہے؟ پرویز خٹک کا صحافیوں کے سوال پر ردعمل
اسلام آباد (وقائع نگار خصوصی) چیئرمین سینٹ صادق سنجرانی کے خلاف عدام اعتماد کی تحریک کے دوران چئیرمین پیپلزپارٹی بلاول بھٹو، وزیراعلی بلوچستان جام کمال، وزیردفاع پرویز خٹک، سابق وزیراعظم پرویزاشرف اور ڈپٹی سپیکر قاسم سوری، اے این پی کے سیکرٹری جنرل میاں افتخار سمیت ارکان قومی اسمبلی سابق ارکان سینٹ و قومی اسمبلی نے شرکت کی۔ بلاول بھٹو، پرویز اشرف صادق سنجرانی کے خلاف عدم اعتماد کی تحریک پر ووٹنگ کے درمیان ایوان سے چلے گئے جبکہ میاں افتخار قرارداد مسترد ہونے کے بعد ایوان سے گئے۔ وزیردفاع پرویز خٹک تحریک مسترد ہونے کے اعلان کے بعد ایوان سے گئے۔ ہارس ٹریڈنگ کے حوالے سے سوال پر انہوں نے لاعلمی کا اظہارکرتے ہوئے کہاکہ ہارس ٹریڈنگ کیا ہوتی ہے ۔
