سعودی عرب میں چاند نظر آ گیا حج 10 اگست کو، پاکستان میں رویت ہلال کمیٹی کا اجلاس آج ہوگا
لاہور، کراچی (خصوصی نامہ نگار+ این این آئی) ماہ ذوالحج 1440ھ کے چاند کی رویت کیلئے مرکزی و صوبائی (زونل) رویت ہلال کمیٹیوں کے اجلاس آج شام کو ہونگے پنجاب کو صوبائی زونل رویت ہلال کمیٹی کا اجلاس ڈاکٹر طاہر رضا بخاری ڈائریکٹر جنرل اوقاف کی زیر صدارت آج شام ساڑھے 6 بجے کمیٹی روم ایوان اوقاف لاہور میں ہوگا اجلاس میں کمیٹی کے ممبران اکابر علماء کیساتھ محکمہ موسمیات کے نمائندے بھی شامل ہونگے۔ جبکہ مرکزی رویت ہلال کمیٹی پاکستان کے چیئرمین مفتی منیب الرحمان نے اعلان کیا ہے کہ ماہ ذوالحجہ 1440ھ کے چاند کی رویت کا شرعی فیصلہ کرنے کیلئے مرکزی رویت ہلال کمیٹی کا اجلاس آج نماز عصر کے بعد محکمہ موسمیات کراچی کے دفتر میں ہوگا۔
