لاہور(سپورٹس رپورٹر+نمائندہ سپورٹس) ورلڈ ڈس ایبلڈ کرکٹ سیریز میں شرکت کے لیے پاکستانی ٹیم انگلینڈ پہنچ گئی۔ پہلی ورلڈ سیریز پانچ سے تیرہ اگست تک واریسٹر شائر میں کھیلی جائے گی۔ پندرہ رکنی قومی ڈس ایبلڈ کرکٹ ٹیم ورلڈ سیریز کھیلنے نہار عالم کی قیادت میں لندن پہنچ گئی ہے۔ ورلڈ سیریز پانچ اگست سے انگلینڈ کے شہر واریسٹر شائر میں شروع ہورہی ہے جس میں میزبان انگلینڈ سمیت پاکستان ،بھارت ،بنگلہ دیش اور افغانستان کی ٹیمیں شرکت کررہی ہیں۔