لاہور(سپورٹس رپورٹر+نمائندہ سپورٹس )دفاعی چیمپئن نمبر محمد اعجاز اور اسجد اقبال شکست کھا کر این بی پی رینکنگ سنوکر چیمپئن شپ سے باہر ہوگئے۔ محمد آصف، محمد شہباز، محمد احسن جاوید، ذوالفقار عبدالقادر، محمد سجاد، احسان رمضان، محمد نعیم اختر اور مبشر رضا چیمپئن شپ کے کوارٹر فائنل میں پہنچ گئے۔ نمبر چھ سیڈ محمد اعجاز کو سابق عالمی چیمپئن اور تجربہ کار کھلاڑی محمد آصف نے 5-2 کی شکست دیکر ٹورنامنٹ سے آئوٹ کیا۔ نمبر دو سیڈ اسجد اقبال نے نسیم اختر کا ڈٹ کر مقابلہ کیا لیکن نسیم اختر نے شاندار کارکردگی کا مظاہرہ کرتے ہوئے 5-3 فتح حاصل کرکے کوارٹر فائنل میں جگہ بنائی۔ دیگر مقابلوں میں محمد شہباز نے محمد ماجد علی کو 5-2، محمد احسن جاوید نے راشد عزیز کو 5-2 ، ذوالفقار عبدالقادر نے عبدالستار کو 5-2 ، محمد سجاد نے حارث طاہر کو 5-3 ، احسن رمضان نے سہیل شہزاد کو 5-2 اور مبشر رضا نے ابوصائم کو 5-2 سے زیر کیا۔ایونٹ کا فائنل کل کھیلا جائے گا۔