رائیونڈ: جیابگا میں کرنٹ لگانے سے 25 سالہ خاتون باپ اور بھائی سمیت جاں بحق
رائے ونڈ (نامہ نگار) رائے ونڈکے نواحی علاقہ جیا بگا میں ملک شہزاد کے بھٹہ خشت پر کوثر بی بی نامی25سالہ عیسائی مزدور خاتون حالیہ مون سون بارشوں کی وجہ سے اپنے کوارٹر کی چھت پر مٹی کا لیپ کرنے کے لئے مٹی کا تانبیہ سر پر اٹھا کر لارہی تھی جو کہ چھت سے گزرنے والی 11ہزار کے وی کی تاروں سے چھو گیا جس کے باعث وہ کرنٹ لگنے سے موقع پر ہلاک ہوگئی جبکہ اس کو بچاتے ہوئے اس کا 56سالہ والد عبدالغفور اور 27سالہ بھائی رمضان بھی کوثر کیساتھ ہی چمٹ گئے۔واقعہ پر کہرام مچ گیا ،اطلاع پاکر مقامی پولیس اور واپڈا افسران موقع پر پہنچ گئے ،بجلی کی تاریں بھٹہ میں ایسے کئی کوارٹر کی چھتوں کو چھوتی ہوئی گزررہی ہیں ،تحقیقات جاری ہیں۔
