کراچی (نیٹ نیوز) کراچی پریس کلب کے سامنے ارلی چائلڈ سکول پراجیکٹ کے کنٹریکٹ اساتذہ نے مطالبات کی منظوری کیلئے احتجاجی مظاہرہ کیا۔ اساتذہ نے وزیراعلیٰ ہاؤس جانے کی کوشش کی لیکن پولیس نے بیریئر لگا کر راستہ بند کردیا۔ مظاہرین پی ٹی آئی ایم پی اے راجہ اظہر کی قیادت میں سندھ اسمبلی پہنچے جہاں پولیس نے متعدد مظاہرین کو گرفتار کرلیا۔ راجہ اظہر کا کہنا تھا کہ اساتذہ 29 روز سے اپنے مطالبات کیلئے دھرنا دیئے بیٹھے ہیں، سندھ حکومت مظاہرین کے مطالبات منظور کرنے کے بجائے ان کو دلاسہ دے رہی ہیں۔