لاہور (نمائندہ خصوصی ) لاہور میں متعدد وارداتوں کے دوران شہری لاکھوں روپے کی نقدی، گاڑیوں اور دیگر قیمتی سامان سے محروم ہو گئے۔ ذرائع کے مطابق کو ٹ لکھپت کے علاقے میں ڈاکو گھر میں گھس کر ایاز اور اہلخانہ کو گن پوائنٹ پر یرغمال بنا کر 2لاکھ 65ہزار مالیت کے طلائی زیورات اور نقدی لوٹ کر فرار ہو گئے۔ جبکہ نیو انار کلی کے علاقے میں 2موٹرسائیکل سوار ڈاکو ماجد اور اس کی فیملی سے گن پوائنٹ پر 1لاکھ 70ہزار روپے مالیت کی نقدی و طلائی زیورات۔ اقبال ٹائون کے علاقے میں ڈاکومعید اور فیملی سے گن پوائنٹ پر1لاکھ 50ہزار روپے نقدی و طلائی زیورات۔ ملت پارک کے علاقے ڈاکو ایان اور فیملی سے1لاکھ 40ہزار روپے نقدی و طلائی زیورات۔ جبکہ گارڈن ٹائون کے علاقے میں ڈاکو گن پوائنٹ پر محمود سے70ہزار اور موبائل فون۔ قلعہ گجر سنگھ سے ڈاکوفیصل سے60ہزار نقدی اور موبائل فون۔ سبزہ زار کے علاقہ میں ناصر سے ڈاکو گن پوائنٹ پر 1لا کھ نقدی اور موبائل فون۔ شاد باغ سے ڈاکو گن پوائنٹ پروارث سے 75ہزار نقدی اور موبائل فون لوٹ کر فرار ہو گئے جبکہ ستو کتلہ سے گاڑی اور مستی گیٹ، ہڈیارہ، نولکھا، لیا قت آباد اور شفیق آباد کے علاقے سے موٹر سائیکلیں چوری کر لی گئیں۔