لاہور(سپورٹس رپورٹر+نمائندہ سپورٹس)پاکستان ٹیم ایشین انڈر23 والی بال چیمپئن شپ میںآج سری لنکا کے خلاف نبردآزما ہوگی جبکہ کل آسٹریلیا کے خلاف میچ کھیلے گی۔ میانمار میں جاری ایشین چیمپئن شپ میں پاکستان ٹیم اپنے تین میچز جیت کر پہلے ہی کوارٹر فائنل مرحلے کیلئے کوالیفائی کر چکی ہے اور ٹیبل پر ٹاپ پوزیشن بھی حاصل کر چکی ہے۔ پاکستان نے قطر کو 3-0 سے شکست دی‘ بحرین کیخلاف 3-0 سے کامیابی حاصل کی جبکہ تائیوان کو 3-1 سے شکست دے کر اپنے گروپ میں ٹاپ پوزیشن حاصل کی۔پاکستان والی بال فیڈریشن کے چیئرمین چوہدری یعقوب نے کہاہے کہ قومی ٹیم ایشین انڈر23 والی بال چیمپئن شپ میں شاندارکاردگی کا مظاہرہ کر رہی ہے۔