لا ہو ر (نمائندہ خصوصی)سی ٹی او لاہور کیپٹن (ر)لیاقت علی ملک کی ہدایت پرسٹی ٹریفک پولیس نے ریلوے سٹیشن حاجی کیمپ کے باہر ٹریفک آگاہی کیمپ لگایا ۔آگاہی کیمپ میں ٹریفک ایجوکیشن ٹیم نے بچوں میںجشن آزادی کے حوالے سے پاکستانی پرچم والے سوٹ تقسیم کئے۔ آگاہی کیمپ میں شہریوں کو ہدایت کی گئی کہ ٹریفک کے بہائو کو برقرار رکھنے اورحادثات سے محفوظ سفر کو یقینی بنانے کے لئے ٹریفک قوانین پر عمل کرنا بہت ضروری ہے۔ہماری یہ اخلاقی ذمہ داری ہے کہ ڈرائیونگ کر تے ہوئے دوسرے مسافروں کا بھی خیا ل رکھا جائے ۔ سٹی ٹریفک پولیس 14اگست تک شہریوں میں تحائف اور ٹریفک آگاہی پملفلٹس تقسیم کرنے کا سلسلہ جاری رکھے گی۔