کوچ مائیک ہیسن نے آئی پی ایل سے کنارہ کشی اختیار کرلی
لاہور(سپورٹس رپورٹر+نمائندہ سپورٹس)نیوزی لینڈ کے سابق ہیڈ کوچ مائیک ہیسن نے آئی پی ایل سے کنارہ کشی اختیار کرتے ہوئے کنگز الیون پنجاب کی کوچنگ چھوڑ دی۔اکتوبر 2018 میں مائیک ہیسن نے کنگز الیون پنجاب کی کوچنگ کیلئے 2 سال کا معاہدہ کیا تھا ۔ نیوزی لینڈ کے سابق کوچ نے ناطہ توڑنے کی وجوہات کا ذکر نہیں کیا تاہم رپورٹس کے مطابق ان کی نظریں انگلینڈ، پاکستان، جنوبی افریقہ یا بنگلہ دیش ٹیم کی خالی ہونیوالی کوچنگ پوزیشنز پر ہیں۔
