لاہور(سپورٹس رپورٹر+نمائندہ سپورٹس)شہر میں صبح سویرے ہونے والی تیز بارش کے باعث کھیلوں کی سرگرمیاں معطل ہو گئیں ۔ماڈل ٹاون سوسائٹی کلب کرکٹ گراونڈ پر شاہ فیصل کلب اور ماڈل ٹاون سوسائٹی کلب کی ٹیموں کے درمیان میچ شیڈول تھا ، میچ کے آغاز سے قبل ہی شہر میں ہونے والی تیز بارش کے بعد گراونڈ گیلا ہونے کے باعث میچ منسوخ کردیا گیا اور دونوں ٹیموں کو ایک ایک پوائنٹ دے دیا گیا ۔بارش کے باعث کرکٹ سینٹر گراونڈ اور ایل سی سی اے گراونڈ پر ہونے والے میچز بھی ملتوی کردئیے گئے۔