گوجرانوالہ ( نمائندہ خصوصی) کھیالی بائی پاس کے قریب شارٹ سرکٹ سے گڈزٹرانسپورٹ کمپنی کے گودام میں آگ لگ گئی، آگ لگنے سے مبینہ طور پر گودام میں پڑا تقریبا 25کروڑ کا سامان جل کرراکھ ہوگیا جبکہ آگ کی شدت سے گودام کی چھت زمین بوس ہوگئی،گودام کے اندر15لاکھ روپے مالیت کی مزداگاڑی بھی جل کرراکھ ہوگئی۔ بتایا گیا ہے کہ گزشتہ رات حنیف گڈز ٹرانسپورٹ کے گودام میں شارٹ سرکٹ کے باعث اچانک آگ بھڑک اٹھی جس نے دیکھتے ہی دیکھتے پورے گودام کو اپنی لپیٹ میں لے لیا، اطلاع ملتے ہی ریسکیو کی امدادی ٹیمیں بھی موقعہ پر پہنچ گئیں اور طویل جدوجہد کے بعد آگ پر قابو پا لیا۔ متاثرہ شخص نے وزیر اعلیٰ پنجاب اورمتعلقہ اداروں سے اپیل ہے کہ میرے سامان کاتخمینہ لگاکرنقصان کاازالہ کیا جائے۔