انڈر 15 ایشین بیس بال چیمپئن شپ پاکستان ٹیم آج چین روانہ ہوگی
لاہور(سپورٹس رپورٹر+نمائندہ سپورٹس) انڈر 15 ایشین بیس بال چیمپئن شپ میں شرکت کیلئے پاکستان ٹیم آج بدھ اور جمعرات کی درمیانی شب لاہور سے اومان کی پرواز کے ذریعے چین روانہ ہوگی۔ پاکستان انڈر 15 ٹیم کا ایشین چیمپئن شپ کی تیاری کے لیے گذشتہ چھ ماہ سے پاکستان فیڈریشن بیس بال کی زیر نگرانی اپنی مدد آپ کے تحت کیمپ لاہور میں جاری تھا۔ پاکستان ٹیم میں پنجاب کے علاوہ خیبر پی کے اور بلوچستان سے تعلق رکھنے والے کھلاڑی موجود ہیں جنہوں نے عید قربان بھی اپنے پیاروں سے دور پاکستان کے لیے لاہور میں گزاری۔
