انڈر 23 ایشین والی بال چیمپئن شپ چائینز تائپے کے نام‘پاکستان کی چوتھی پوزیشن
لاہور(سپورٹس رپورٹر) تیسری انڈر 23 ایشین والی بال چیمپئن شپ 2019ء چائینز تائپے ٹیم نے جیت لی۔ فائنل میں بھارت کو شکست دی ۔ میانمار میں فائنل چائینز تائپے اور بھارت کے درمیان کھیلا گیا ‘ چائینز تائپے ٹیم نے بھارت کو تین ایک سے شکست دیکر پہلی مرتبہ چیمپئن ہونے کا اعزاز اپنے نام کیا۔ جاپان نے پاکستان کیخلاف تین صفر سے کامیابی سمیٹ کر تیسری پوزیشن اپنے نام کی۔ پاکستان ٹیم کو چوتھی پوزیشن پر اکتفا کرنا پڑا۔ دو سال پہلے پاکستان ٹیم نے پہلی مرتبہ ا شرکت کی تھی اس وقت پاکستان نے چھٹی پوزیشن حاصل کی تھی۔
