چیف جسٹس آصف سعید کھوسہ( آج) لاہور رجسٹری میں مختلف کیسز کی سماعت کریں گے
لاہور(این این آئی) چیف جسٹس آف پاکستان جسٹس آصف سعید کھوسہ آج بروز ( جمعہ ) لاہور رجسٹری میں مختلف کیسز کی سماعت کریں گے ۔چیف جسٹس آف پاکستان جسٹس آصف سعید کھوسہ کی سربراہی میں تین رکنی بنچ میں جسٹس اعجازالاحسن اور جسٹس سید منصور علی شاہ شامل ہیں ۔مقدمات کی سماعت بارے کاز لسٹ اور فریقین کو نوٹس جاری کردئیے گئے ۔ چیف جسٹس آف پاکستان کی آمد کے پیش نظر لاہور رجسٹری کے باہر سکیورٹی کے خصوصی انتظامات کئے جائیں گے۔
