کسووال (نامہ نگار) غیرت کے نام پر نوجوان کو قتل کردیا گیا، مقتول کے والد کی درخواست پر 5 افراد کے خلاف مقدمہ درج، 3 ملزم گرفتار۔ نواحی گائوں 41/12-L میں عمر دراز ولد محمد رفیق وغیرہ 5 افراد نے غیرت کے نام پر نوجوان عبدالجبار کو قتل کردیا جس پر پولیس نے مقتول کے والد کی درخواست پر عمر دراز وغیرہ 5 افراد کے خلاف مقدمہ درج کرلیا۔ ایس ایچ او زمان رشید نے بتایا کہ مقتول عبدالجبار ملزمان کی لڑکی سے گھر ملنے گیا جس پر لڑکی کے والد دو بھائیوں اور دو چچا نے پکڑ کر اس پر شدید تشدد کیا اور وہ ہسپتال لے جاتے دم توڑ گیا۔ پولیس نے عمر دراز سمیت 3 ملزمان گرفتار کرلئے ہیں۔