میر شکار پیک سر کرنے کی کوشش میں مقامی کوہ پیما جاں بحق ‘ 3 ساتھی پھنس گئے
لاہور(نمائندہ سپورٹس+سپورٹس رپورٹر) نگر کے علاقے مناپن میں چوٹی سر کرنے کی کوشش میں مقامی کوہ پیما جاں بحق جبکہ اس کے 3 ساتھی پھنس کر رہ گئے ہیں۔سپرنٹنڈنٹ آف پولیس نگر حسن علی کے مطابق مقامی کوہ پیمائوں کی 4 رکنی ٹیم 6700 میٹر بلند میر شکار پیک سر کرنے گئی تھی۔ چوٹی سر کرنے کے دوران ایک کوہ پیما پائوں پھسلنے سے گر کر جاں بحق ہوگیا۔کوہ پیمائوں کی چار رکنی ٹیم میں طارق عباس، مسرور اور فدا شامل ہیں جبکہ ایک کوہ پیما کا نام تاحال معلوم نہیں کیا جا سکا ہے۔ پھنسے ہوئے تینوں کوہ پیمائوں کو نکالنے کے لیے پاک فوج سے ریسکیوہیلی کاپٹر فراہم کرنے کی درخواست کر دی گئی ہے۔ کوہ پیما شدید موسمی حالات کی وجہ سے نیچے نہیں اتر سکتے ہیں۔
