لاہور( سپورٹس رپورٹر +نمائندہ سپورٹس)کراچی میں چوتھی قومی سینئر و جونیئر مینز اینڈ ویمنز سائیکل ریس کا پہلا ایونٹ 25کلو میٹر پر محیط ویمنز ایلیٹ ٹائم ٹرائلز کا تھا جس آرمی کی رضیہ یونس نے پہلی ، واپڈا کی نائلہ بانو نے دوسری اور بائیکستان کرینک ایڈیکس کی کنزا ملک نے تیسری پوزیشن حاصل کی۔ 37کلو میٹر پر محیط مینز ایلیٹ ٹائم ٹرائلز میں بائیکستان کرینک ایڈیکٹس کے علی الیاس نے پہلے ‘ آرمی کے ارسلان دوسرے جبکہ سدرن گیس کے محسن خان تیسرے نمبر پر رہے۔25کلو میٹر میں بائیکستان کے ابراہیم پہلے‘ واپڈا کے تنزیل خان دوسرے ‘ آرمی کے حبیب اللہ تیسرے نمبر پر رہے ۔ 30 کلو میٹر سیٹیریم ویمنز ایلیٹ میں واپڈا کی نائلہ بانو نے پہلی ‘آرمی کی ندا نے دوسری ‘ واپڈا کی رازیہ حنیف نے تیسری پوزیشن حاصل کی ۔