گوجرانوالہ(نمائندہ خصوصی )ڈسٹرکٹ سپورٹس ڈیپارٹمنٹ کے زیر اہتمام جشن آزادی سپورٹس گالا منعقد ہوا جس میں ووشو ، کراٹے اور سنوکر چیمپئن شپ کا انعقاد کیا گیا گزشتہ روز سنوکر چیمپئن شپ کے مقابلوں میں 17ٹیموں نے حصہ لیا سنوکر چیمپئن کے مقابلوں میں ایشین چیمپئن اور وائس چیمپئن نے کھیلوں میں شرکت کی جبکہ ڈی ایس پی ٹریفک صدر ایوب قادر چوہان اور ڈسٹرکٹ سپورٹس آفیسر میڈم عائشہ چیمہ نے مقابلوں کا افتتاح کیا سنوکرچیمپئن شپ کا فائنل آج کھیلا جائیگا جس میں ڈی سی گوجرانوالہ نائلہ باقر مہمان خصوصی ہونگے جبکہ ضلع گوجرانوالہ کے دیگر افسران بھی شرکت کرینگے اس موقع پر ڈسٹرکٹ سپورٹس آفیسر عائشہ چیمہ نے بتایا کہ جشن آزادی کے سلسلہ میں پنجاب حکومت کی ہدایت پر 16اگست سے شروع ہونیوالے کھیلوں کے مقابلے 31اگست تک جاری رہیں گے جبکہ آخری دو روز بیڈ منٹن کے مقابلے نوشہرہ ورکاں میں منعقد ہونگے۔